P.S. Կից տեսեք Վալենտինի օրվա բացիկներ հատուկ թենիսի սիրահարների համար

Մարզական հրապարակներում մարզիկների պահվածքը ոչ պակաս կարևոր նշանակություն ունի, քան արագությունը, ճարպկությունը, արտիստիզմը և այլն:

Որոշ խորհուրդներ փորձառու մարզիկների համար ինքստինքյան պարզ են և հասկանալի, սակայն մեր կարծիքով սկսնակներին հետաքրքիր կլինի դրանց հետ ծանոթանալը և իրագործելը:

•  Մարզիկը կորտերում իրեն պետք է պահի արժանապատվորեն: Թենիսիստի վերաբերմունքը տվյալ խաղին ազդում է մրցակցի տրամադրության և խաղի որակի վրա: Եթե մրցակիցը համեմատաբար ավելի թույլ է, պետք չէ նրա նկատմամբ ցուցաբերել արհամարանք կամ սեփական առավելությունը:
  Թենիսում արժանապատվորեն պարտվելը համարվում է հատուկ արվեստ: Կորտերում հախուռն էմոցիաների արտահայտումը այնքան էլ պարտադիր չէ: Դրան հակառակ, հաղթողի բարի խոսքը և ավանդական “շնորհակալություն լավ խաղի համար” մրցակցին ուղղված խոսքը, հաղթանակը դարձնում է ավելի հաճելի, իսկ պարտությունը` քիչ տհաճ:
• Խաղահրապարակ պետք է դուրս գալ կոկիկ հագնված: Այս դեպքում թենիսիստի տեսքը տոնական է, որով նա հետևում է թենիում մեծ կարևորություն ունեցող ավանդույթներին:
• Չարժե խաղը երկարաձգել: Թենիսում ժամանակի միտումնավոր փգումը համարվում է անհարգի:
• Ցանկացած հանգամանքներում կամ սխալի դեպքում, որը դուրս է գալիս սովորական խաղի սահմաններից, և որը կարող է սկզբնահարված կատարողին հանել հավասարակշռությունից, ընդունող մարզիկը, համափայն էթիկայի, պետք է առաջարկի վերահաղարկել միավորը:
• Նախքան սկզբնահարված կատարելը հարկավոր է ստուգել, արդյոք մրցակիցը պատրաստ է այն ընդունել: Սա հիմնականում վերաբերվում է այն թենիսիստներին, ովքեր սիրում են որքան կարելի է շուտ կատարել երկրորդ սկզբնահարվածը:
• Եթե խաղի ընթացքում օտար գնդակ է հայտնվում կորտերում, ապա այն պետք է վերադարփնել միայն գնդակի խաղարկությունից հետո:
• Մրցավարի ցանկացած որոշմանը պետք է վերաբերվել մարզականորեն, միշտ հիշել. Մրցումների մասնակիցների համար մրցավարի ոչոշումն օշենք է:

 Հանդիսատեսի Բարոյաէթիկական Նորմերը

Կորտերում պակաս կարևորություն չունի նաև հանդիսատեսի էթիկան: Թենիսի հանդիսատեսը հատուկ հանդիսատես է: Նա նման չէ այլ մարզաձևերի հանդիսատեսին: Նա, որպես կանոն, տարբերվում է հատուկ զսպվածությամբ, մրցավարների և մարզիկների նկատմամբ բարի վերաբերմունքով:

Սակայն սխալված կլինենք, եթե համարենք, որ թենիսի հանդիսատեսը լուռ վկա է` զուրկ զգացմունքներից և էմոցիաներից: Հոգեբանական հատկանիշներով նա չի զիջում ֆուտբոլի, հոկեյի, բռնցքամարտի և շատ այլ մարզաձևերի հանդիսատեսներին: Մարզական էթիկայի մակարդակով և մրցումների ընթացքում իր պահվածքով, գերազանցում է շատ շատերին:

Այդ իսկ պատճառով թենիսի սկսնակ սիրահարներին մենք առաջարկում ենք մի քանի խորհուրդներ, որոնք կարող են նրանց համար օգտակր լինել.

• Գնդակի խաղարկման ժամանակ աշխատեք չշարժվել:
• Եթե մրցումները անցկացվում են միաժամանակ մի քանի կորտերուն, ապա մի կորտից մյուսը անցնել կարելի է միայն խաղափուլի ավարտից հետո:
• Գնդակի խաղարկումից հետո ծափահարություններն ու զգացմունքների աղմկոտ արտահայտությունները համարվում են ոչ տեղին
• Չարժե ծափահարել խաղացողի սխալի դեպքում: Թենիսում ծափահարությունները, որպես կանոն, հասցեագրվում են միայն գեղեցիկ հարվածներին:
• Հանդիսատեսի կողմից հուշումները շեղում են խաղացողի ուշադրությունը, որով և խանգարում են խաղի ընթացքին:
•  Չարժե վիճարկել մրցավարի որոշումը:
• Խաղի ընթացքում ընդունված չէ խոսել մրցավարների հետ:
• Խորհուրդ չի տրվում կորտ գցել խաղից դուրս եկած գնդակները: Հարկավոր է սպասել մինչև միավորի խաղարկման ավարտը:
• Խաղի ընթացքում հանդիսատեսը պետք է բարձր չզրուցի: Դա կարող է շեղել խաղացողի ուշադրությունը:

                                                                                  Պրուդնիկովա Ռ.Ֆ.

P.S. Նյութի համար անչափ շնորհակալ եմ Հենրիկին Հենրիկն ասեց, որ Պրուդնիկովան հայ է, СССР-ում բավականին հայտնի թենիսիստուհի: Կաշխատեմ մոտ ժամանակում հավաքել նրա մասին ինֆորմացիա ու տեղադրել բլոգում:

Կոտուկներն ու բշտիկները ոտքերի վրա առաջանում են մարզակոշիկների հետ շփումից, իսկ ձեռքերի վրա, ավելի ճիշտ ափերին և մատներին գնդաթիի բռնակի հետ շփումից: Այս տիպի վնասվածքները մեծ տհաճություն են պատճառում խաղի ընթացքում և ուղեկցվում են ցավի զգացողությամբ:

Ինչպես կարելի է պաշտպանվել կոշտուկներից և բշտիկներից? Ինչ վերաբերում է ոտքերին` անձամբ ես հագնում եմ երկու զույգ գուլպա, ցանկալի է մեկը լինի բրդից (հանկարծ չպատկերացնեք տատիկի գործած բրդյա գուլպաներ) մյուսը ուղղակի ինչ որ ամուր կտորից, կամ երկու զույգն էլ բրդյա, բայց ամռանը մի քիչ շոգ կլինի:  Հաճաշ փոխեք գուլպաները, գտեք ձեր համար առավել հարմար տարվերակը:

Ձեռքերի հետ ամեն ինչ ավելի բարդ է: Նրան անընդհատ շփման մեջ են բռնակի հետ: Նախ և առաջ բռնակը պետք է փաթաթված լինի հարմարավետ ոլորումով (обмотка – սրա մասին դեռ կխոսենք): Սկսնակների ու բշտիկներին հակում ունեցող մարդկանց համար վերջին տարիներին հայտնվել է մի հետաքրքիր լուծում` թենիսի ձեռնոցներ, որոնք լիովին կրկնում են ձեռքի բոլորի կորությունները և օգնում անվտանգ ու արդյունավետ բռնել գնդաթին: Նկարում պատկերված է այդպիսի մի ձեռնոց: Անձամբ ես դրանցից չեմ ունեցել, բայց գիտեմ, որ շոգ եղանակներին այդքան էլ հարմար չի դրանցով: Բայց փակ տարածությունում խաղալու համար կարող եք հանգիստ հագնել ձեռնոցներ:

Անձամբ ես հակում ունեմ կոշտուկների, ու քանի որ հիմնականում ուշադրություն չեմ դարձնում դրանց, դրանք մեծանում ու դառնում են բավականին ցավոտ խնդիր: Այդ դեպքում ես օգտվում եմ կպչյուն ժապավեններից: Երբ ունեմ կոշտուկ կամ զգում եմ դրանց հայտնվելու պոտենցիալ վտանգը ուղղակի փաթաթում եմ մատներս ժապավենով, այնուհետև խաղից հետո ուղղակի հանում եմ: Բավականին արդյունավետ է:

Կան նաև այնպիսի կպչյուն ժապավեններ, որոնք օգնում են շուտ ազատվել կոզշուկներից և բշտիկներից, ուղղակի հետաքրքրվեք դեղատներում և ձեզ հաստատ կօգնեն:

Մարզումից հետո օգտագործեք ձեռքերի փափկեցնող քսուկներ: Անուշադրության մի մատնեք կոշտուկներն ու բշտիկները որպեսզի տհաճ խնդիրների առջև չկանգնեք:

Նախ սովորենք չափել ոտքի “համարը” այնուհետև անցնենք թենիսի մարզակոշիկների ընտրությանը:

Վերցրեք A4 ֆորմատի թուղթ, կանգնեք թղթի վրա և մատիտով կամ գրիչով նշագծեք ոտքը այնպես ինչպես ցույց է տրված նկարում: Այնուհետև վերցրեք քանոնը և չափեք ոտքի երկարությունը` կրունկից մինչև ամենաերկար մատը:

Չափում ենք ոտքի երկարությունը: Թույլատրվում է կլորացում մինչև 0,5 սմ:

Ներքևում բերում եմ աղյուսակներ ըստ որոնց կարող եք իմանալ ձեր ոտքի չափը ըստ տարբեր համակարգերի կախված երկարությունից:

Տղամարդկանց ոտնաչափ

Կանանց ոտնաչափ

Երեխաների ոտնաչափ

Ոտնաչափը պարզելուց հետո անցնենք բուն գործին: Ինչին է պետք ուշադրություն դարձնել թենիսի մարզակոշիկ ընտրելուց?

Մարզակոշիկ ընտրելիս հարկավոր է ուշադրություն դարձնել մի քանի կարևոր կետի, դրանք են`

• Մաշվելու կայունություն: Ուշադրություն դարձրեք թե ինչ նյութից է պատրաստված կոշիկը, այն պետք է բնական կաշվից լինի, իսկ ներբանը (подошва) պետք է լինի ամուր ռետինից:
• Ամորտիզացիա: Մարզակոշիկի ներբանը պետք է օժտված լինի ամորտիզացիայով: Ուշադրություն դարձրեք կրունկի կառուցվածքին: Առանց ամորտիզացիայի բարձրանում է վնասվածք ստանալու ռիսկը:
• Օդափոխություն: Հարմարավետության համար շատ կարևոր հատկություն է:
• Շփում: Ապահովության համար մարզակոշիկը պետք է “դադարի շփում” ապահովի ցանկացած հարթության հետ: Ընդ որում տարբեր տեսակի ծածկույթներով կորտերում խաղալու համար կան տարբեր կոշիկներ: Օրինակ խոտածածքի համար օգտագործվում են “ատամիկներով” կոշիկներ, ինչը անթույլատրելի է ավազե կորտերի դեպքում: Ուշադրություն դարձրեք ներբանի ստորին կառուցվածքին:
• Ֆիկսացիա: Կոշիկը պետք է ամուր գրկի ոտքը: Հենց դրա համար է անհրաժեշտ որ կաշվից լինի, քանի որ կաշին ցանկացած դեպքում ընդունում է ոտքի ձևը:

Անպայման նայեք նաև այս վիդեոն, այնտեղ ցույց է տրված թե ինչին պետք է ուշադրություն դարձնել մարզակոշիկ գնելիս:

Եվ այսպես, ինչի համար են նախատեսված թրթռամարիչները? Բառն ինքն իրենով արդեն ասում է` մարել թրթիռը, վիբրացիան: Հիմա հասկանանք թե ինչ վիբրացիայի մասին է խոսքը: 

Չնայած որ խաղի ընթացքում բուն հարվածը` գնդակի հպումը գնդաթիին տևում է վայրկյանի տասերորդականի չափ, այնուամենայնիվ հարվածելիս առաջանում են բավականին ուժգին տատանումներ: Այդ տատանումները կարող են վնասել դաստակը և ինչու չէ, ամբողջ ձեռքը, դրա համար հարկավոր է այդ տատանումները “մարել”: Իհարկե ժամանակակից գնդաթիների կառուցվածքը այնպիսին է, որ բռնակի կառուցվածքը իր վրա է վերցնում տատանումների մարման մեծ մասը: Բայց շատ դեպքերում կարիք է լինում “օգնել” այդ գործին:

Բացի մեխանիկական տատանումներից թրթռամարիչը “մարում” է նաև ձայնային տատանումները: Երբ հարվածում են առանց թրթռամարիչի գնդաթիով լարերի տատանումը առաջ է բերում “զնգոց”, որը շատ տհաճ և ազդում է նյարդերի վրա: Թրթռամարիչի առկայությունը ապահովում է այն “թխկոցը” որը մենք լսում ենք թենիս դիտելուց կամ խաղալուց:

Հիշում եմ մի դեպք, երբ մարզումներիցս մեկի ընթացքում փորձեցի “պահել” մարզիչիս հարվածը ու ուժեղ վիբրացիան ստիպեց ձեռքիցս վայր գցել գնդաթին: Դա պատահեց երկու պատճառով` պատրաստ չէի նման ուժգնությամբ հարվածի ու գնդաթիիս վրա չկար թրթռամարիչ

Իսկ հիմա փորձենք հասկանալ թե ինչպես են տեղադրում թրթռամարիչը գնդաթիի վրա: Հնարավոր է տեղադրելու երկու տարերակ: Մեկը իմ գնդաթիի օրինակով եմ ներկայացնում` ուղիղ մեջտեղում, ներքևի հորիզոնական լարից վերև: Այսպես եմ տեղադրել, որովհետև գնդաթիիս գլխիկը ստանդարտից մի քիչ մեծ, ու որովհետև այսպես ավելի ուշ եմ կորցնում թրթռամարիչը, որը հարվածելիս կարող է դուրս գալ գնդաթիի վրայից: Հնարավոր է նաև թրթռամարիչը տեղադրել մինչև վերջին հորիզոնական լարը: Ավելի մանրամասն կտեսնեք կից նկարներում:

Ինչ վերաբերվում է թրթռամարիչի ընտրությանը, պետք է փորձեք մի քանի տարբերակ և գտնեք ձեզ հարմարը: Ինձ օրինակ հարմար են ճկուն ռետինյա թրթռամարիչները, իսկ ոմանք նախընտրում են կոշտերը:

Նովակ Ջոկովիչը նմանակում է Շարապովային

Մարիա Շարապովան նմանակում է Էնդի Ռոդիքին

Անդրե Աղասին ծաղրում է Ռոջեր Ֆեդերերին

]]> http://tennis.bloggator.net/%d5%a1%d5%bd%d5%bf%d5%b2%d5%a1%d5%b5%d5%ab%d5%b6-%d5%b6%d5%b4%d5%a1%d5%b6%d5%a1%d5%af%d5%b8%d6%82%d5%b4%d5%b6%d5%a5%d6%80/feed/ 2 http://tennis.bloggator.net/%d5%af%d5%ab%d5%bd%d5%a1%d5%b7%d6%80%d5%bb%d5%a1%d5%a6%d5%a3%d5%a5%d5%bd%d5%bf%d5%ab-%d5%a3%d5%a1%d5%b2%d5%bf%d5%b6%d5%ab%d6%84%d5%b6%d5%a5%d6%80%d5%a8/ http://tennis.bloggator.net/%d5%af%d5%ab%d5%bd%d5%a1%d5%b7%d6%80%d5%bb%d5%a1%d5%a6%d5%a3%d5%a5%d5%bd%d5%bf%d5%ab-%d5%a3%d5%a1%d5%b2%d5%bf%d5%b6%d5%ab%d6%84%d5%b6%d5%a5%d6%80%d5%a8/#comments Tue, 19 Jul 2011 12:29:01 +0000 Lusine Barseghyan http://tennis.bloggator.net/?p=182

Անդրադառնանք թենիսի “գեղագիտական” մասին: Հաստատ թենիս նայելուց (ավելի ճիշտ կանանց թենիս) մտածել եք, թե ինչ գեղեցիկ մարզահագուստ` մասնավորապես կիսաշրջազգեստներ են կրում մարզուհիները: Ինչպես և թենիսը, թենիսի կիսաշրջազգեստը ևս ունի հարուստ անցյալ: Եվ այսպես. 

Երբ 1860 թվականին կանանց թույլատրեցին կորտ դուրս գալ մարզահագուստ էր համարվում պալատական հագուստը` կորսետներ, երկար փեշեր` այնպես, որ ամբողջովին փակեին ոտքերը: Պարտադիր էր գլխարկը իսկ դեմքը պետք է փակված լիներ շղարշով: Այսինքն այդ թվերին կնոջ մարմնի ոչ մի հատված չպետք է բաց լիներ:

Հետո առաջացավ մեկ այն խնդիր: Խաղի ընթացքում կանայք քրտնում էին և դա այդքան էլ էսթեթիկ տեսք չուներ: Եվ ելքը գտավ Մոդ Ուոթսոնը: Նա նկատեց, որ սպիտակ հագուստի վրա քրտինքի հետքերը գրեթե չեն երևում: Եվ նրա թեթև ձեռքով Ուիմբլդոնյան մրցաշարում մինչև հիմա մարզահագուստի պարտադիր գույն է համարվում սպիտակը:

Ժամանակի հետ փեշերը ավելի էին կարճանում: Իսկական խառնաշփոթ առաջացրեց 15-ամյա Լոթի Դոտը, ում կիսաշրջազգեստը ծնկից մի քիչ էր ներքև: Անանդապաշտ ազնվականն տիկինները երկար քննադատեցին աղջկան, բայց նրան “փրկեց” այն փաստը, որ կիսաշրջազգեստը դպրոցական էր:

Բամբասանքի առիթներ ստեղծեց Մէյ Սաթոնը, ով 1905 թվականին կորտ դուրս եկավ հոր վերնաշապիկով` պատճառաբանելով որ այս վերնաշապիկը թույլ է տալիս ազատ շարժվել: Ավանդապաշտ տիկնայք երկար բողոքում էին, որ աղջիկը մերկացրել էր իր թևերը, բայց հագուստի զարգացումը արդեն կանգնեցնել հնարավոր չէր:

1914 թվակա

նին կորտ բարձրացավ հռչակավոր Սյուզան Լենգդենը, ով միանգամից կոտրեց բոլոր գոյություն ունեցող կարծրատիպերը` դեն նետեց կորսետները, փեշի կարճությունը հասցրեց այդ թվերի համար մաքսիմալի, համարձակվեց բացարձակ սպիտակ հագուստում մի քանի պայծառ մասնիկ ավելացնել: Ու ինչը ավելի կարևոր է, ազատեց կանանց գլխարկներից: Սկզբնական շրջանում նա հանդես էր գալիս ճակատային ժապավենով:

Երկրորդ համաշխարհային պատերազմից հետո կանացի ֆեմինիզմը այնպիսի թափ էր հավաքել, որ ոչ ոք իրավունք չուներ կանանց ասել էե ինչ անել, առավել սև թե ինչ հագնել: Այդ թվերին ամերիկուհի Գասի Մոռանը կարճ կիսաշրջազգեստի տակիս հագավ ժանյակավոր ներքնազգեստ` օրինակ ծառայելով իր կոլլեգաներին:

Աշխարհահռչակ չեխ թենիսիստուհի Մարտինա Նավրատիլովան, ով հայտնի է իր ոչ ավանդական սեռական կողմնորոշմամբ, նորաձև դարձրեց շորտերը:

1984 թնականին Աննե Վայթը կորտ դուրս եկավ բացարձակ սպիտակ և ամբողջական կոմբինիզոնով, բայց այդ տիպի հագուստը այդպես էլ նորաձև չդարձավ:

Այժմ թենիսի կիսաշրջազգեստները ոչ միայն հարմարավետ խաղի այլ նաև աչք շլացնելու համար են: Թենիսիստուհիներից յուրաքանչյուրը փորձում է ունենալ իրեն յուրահատուկ ու չկրկնվող ոճ: Իսկ դիզայներները անընդհատ նորույթներ են հորինում: Առաջին հարյուրյակից ում էլ վերցնենք, յուրաքանչյուրի հագուստը դիզայներական մտքի յուրահատուկ թռիչք է:

Ահա թե ինչերի միջով է անցել այսօրվա աչքերով նայած սովորական կիսաշրջազգեստը: Ու հիմա այն դիզայներների համար նրանց վարպետությունը ցուցադրելու փորձադաշտ է:

Հին ժամանակներում շոտլանդական վարպետները գնդակները պատրաստում էին գառան կաշվից, փաթաթում էին մորթով և կապում էին թելով, իսկ Հենրիխ VIII օրոք գնդակները պատրաստվում էին մարդկանց մազերով: 1870 թվականին գնդակները սկսեցին պատրաստել տաքացված ռետինից:

Թենիսի միջազգային ֆեդերացիայի (ITF – International Tennis Federation) կանոնակարգում հաստատված է, որ գնդակները պետք է լինեն դեղին կամ սպիտակ և ունենան հստակ քաշ: Անցկացվում են թեստեր և փորձաքննություններ գնդակների մակարդակի և առաձգականության չափը որոշելու համար (անդրադարձի չափի որոշում):

Ժամանակակից գնդակները դեղնա-կանաչավուն են, 6,35-6,67սմ չափի: Կշռում են 56,7-58,5 գ: Նրանք բաղկացած են երկու հիմնական մասերից` ներքին ռետինե միջուկից և արտաքին կտորե թաղանթից: Գնդակի հաստությունն ու ամրությունը պետք է համապատասխանեն կորտի ծածկույթին:

Ժամանակակից գնդակները լինում են հերմետիկ (ժամանակի ընթացքում կորցնում են հատկությունները` կոտրվում) և ոչ հերմետիկ (ներսի ճնշումը համապատասխանում է արտաքին ճնշմանը): Վերջինները ավելի դիմացկուն են և պրոֆեսիոնալ թենիսիստները նախընտրում են սրանք:

Վերջին տարիների հետազոտությունները պարզել են, որ ավելի մեծ տրամագծով գնդակները ավելի դանդաղ են թռչում և ունեն անդրադարձի ավելի մեծ անկյուն, ինչը թույլ է տալիս խաղը ավելի տեսարժան դարձնել, քանի որ հարվածին նախապատրաստվելու ժամանակը ավելանում է: Փոքր գնդակներով և ժամանակակից մականներով խաղը բերել է նրան, որ խաղը ընթանում է շատ արագ, ավելացել է անպատասխան մատուցումների քանակը, որոնց արագությունը արդեն անցնում է 200 կմ/ժ արագությունը: Հետևաբար ITF-ը հիմա աշխատում է այն ուղղությամբ, որ ստանդարտացվեն մեծ տրամագծով գնդակները:

Այո հենց մականն է (ракетка) որ թենիսում համարվում է ամենակարևոր պարագան: Ու անկախ նրանից, սկսնակ եք թե պրոֆեսիոնալ, ամենագլխավոր խնդիրը մականի ճիշտ ընտրությունն է:

Հնում մականները պատրաստվում էին փայտից: Այսօր մականների պատրաստման տեխնոլոգիան զարգացել է և առավել արդյունավետություն ստանալու համար մականները պատրաստվում են գրաֆիտից, ինչը ապահովում է թեթևություն և հարվածի ուժգնություն: Տարածված են նաև տիտանիումից մականները, որոնք ավելի թեթև են, բայց բավարար ուժգնություն չեն ապահովում: Իսկ ամենաօպտիմալը գրաֆիտի ու տիտանիումի խառնուրդից պատրաստված մականներն են, որոնք համատեղում են մաքսիմալ թեթևությունը և ուժնությունը (իմ մականը հենց այսպիսինն է )

Վերջին տարիներին խառնուրդներում սկսել են ավելացնել կերամիկա ու նաև հետազոտում են Hyper carbon նյութը, որը մյուսներից բազմակի անգամ ամուր է: Բայց սովորական մական ընտրելու համար բավարար է գիտենալ գրաֆիտի ու տիտանիումի մասին

Կան նաև մի քանի շատ կարևոր հատկանիշներ, որոնց մասին չի կարելի մոռանալ`

• Գլխիկի չափ: Միջին չափի գլխիկը թույլ է տալիս լավ կառավարել գնդակը ու ավելի հարմար է տարբեր հնարքների տիրապետողներին: Սկսնակների համար ավելի հարմար է մեծ գլխիկներով մականները , ինչը կնվազեցնի սխալների քանակը ու կավելացնի հարվածի ուժը:
• Օղագոտու լայնությունը ինչքան մեծ է այնքան ուժեղ կլինի հարվածի ուժը (չափը տատանվում է 1,8 – 3 սմ)
• Մականի քաշը ազդում է հարվածի ուժի վրա: Հիմնականում մականները կշռում են 310-320գ, որոշներն էլ 280գ: Ինչքան մականը թեթև է այնքան հեշտ է նրանով խաղալ, բայց ուժեղ հարվածներ կատարելիս ավելի շատ ուժ է պետք ներդնել:
• Եթե մականում հավասարախշռությունը շեղված է դեպի գլխիկը (գլխամասային բալանս) դա զգալիորեն կավելացնի հարվածի ուժգնությունը: Բռնակային բալանսով մականները ավելի հարմար են պրոֆեսիոնալներին:
• Մականի երկարությունը 68,5սմ է, բայց ինչքան այն երկար է, այնքան ավելի հեշտ է հասնել գնդակին և ուժեղ հարված կատարել, բայց դա անելու համար պետք է ունենալ բավարար մարզվածության աստիճան: Վերջին տարիներին նկատվում է մականների երկարացման տենդենցներ:

Ու առհասարակ, խանութում մական ընտրելիս լսեք աշխատողի խորհուրդները (իհարկե եթե խանութը մասնագիտացված է), բայց ավելի շատ վստահեք ձեր զգացողություններին: Առանց շտապելու, երկար ժամանակ մականը պահեք ձեռքում, աջ ու ձախ շարժեք ու հասկացեք այն ձեր ձեռքին հարմար է թե ոչ, եթե պետք է, գնդակ խնդրեք ու թեթև վարժություններ արեք, որպեսզի հասկանաք, թե արդյոք մականը ունի ձեզ համապատասխանող քաշ ու բալանս:

Հաջողություն եմ մաղթում Իսկ եթե Հայաստանում եք ու օգնության կարիք կունենաք, ուրախությամբ կօգնեմ ընտրության հարցում

Խաղի նպատակն է գնդակը նետել հակառակորդի կողմը այնպես, որ նա չկարողանա գնդակը հետ վերադարձնել: Կարող են խաղալ ինչպես երկու հոգի, այնպես էլ երկու զույգ:

Մատուցում

Խաղարկումը սկսվում է մատուցումով: Խաղի սկզբում խաղացողները կանգնած են իրենց կիսադաշտերի աջ հատվածում: Մատուցում կատարողը պետք է գնդակը իր աջ կիսադաշտի հետևի գծից անկյունագծով նետի հակառակորդի կիսադաշտի աջ կողմի փոքր ուղղանկյան մեջ (6,4 մ հատվածում)` առանց ցանցին կպնելու: Յուրաքանչյուր հաջողված մատուցումից հետո խաղացողները փոխում են մատուցման և ընդունման դիրքը (այսինքն աջ կողմից մատուցելուց հետո, մյուս մատուցումը իրականացվում է ձախ կողմից): Մատուցման իրավունքը խաղի ընթացքում հետթականությամբ տրվում է մարզիկներից յուրաքանչյուրին:

Մատուցման ժամանակ հանդիպող խախտումներն են`

• գնդակը կպնում է ցանցին կամ դուրս է գալիս փոքր ուղղանկյան սահմաններից: Այս դեպքում մատուցողը ունի երկրորդ մատուցման իրավունք:
• երկրորդ անգամ նույն սխալները կատարելուց միավոր է շնորվում հակառակորդին:
• խաղացողը մատուցման ընթացքում հատում է հետևի գծի սահմանը
• մատուցման ընթացքում գնդակը անցնում է հակառակորդի կիսադաշտ ցանցին կպնելով:

Գեյմ

Խաղի այն ժամանակահատվածը, որի ընթացքում մատուցում է նույն խաղացողը կոչվում է գեյմ:

Գեյմը սկսվում է 0-0 հաշվից: Առաջին երկու խաղարկումները բերում են խաղացողներին 15ական միավոր: Հաջորդ մատուցումը հաշիվը դարձնում է 40, իսկ դրանից հետոյի մատուցումը հաղթանակ գեյմում եթե հակառակորդի հաշիվը 30 է կամ դրանից ցածր: Եթե երկու խաղացողն էլ ունեն 40 միավոր, ապա մյուս մատուցումը հաղթողին կտա առավելություն (Advantage) և դրանից հետոյի խաղարկված գնդակը նոր կբերի հաղթանակի:

Գեյմի ավարտից հետո մատուցման իրավունքը անցնում է մյուս խաղացողին:

Սեթ

Խաղը շարունակվում է այնքան ժամանակ, մինչև խաղացողներից մեկը չհաղթի 6 գեյմ: 6-5 հաշվի դեպքում խաղարկվում է ևս մեկ գեյմ: Եթե հաշիվը 7-5 է դառնում սեթը վերջանում է:  6-6 հաշվի դեպքում խաղարկվում է թայ-բրեյք:

Մաթչ

Մաթչը բաղկացած է երեք կամ հինգ սեթից:

Թայ-բրեյք

6 – 6 հաշվի դեպքում խաղարկվում է թայ-բրեյք:

Համաձայն հերթականության, խաղացողը կատարում է առաջին մատուցումը, այնուհետև հակառակորդը կատարում է երկու մատուցում, այնուհետև հերթափոխով իրականացնում են երկուական մատուցում: Հաղթում է նա, ով առաջինը կհավաքի 7 միավոր և կունենա 2 միավորի առավելություն:

Թայ-բրեյքը խաղացվում է այնքան ժամանակ մինչև մրցակիցներից մեկը ունենա 2 միավորի առավելություն:

Կիսադաշտերի փոփոխությունը կատարվում է յուրաքանչյուր 6 միավորից հետո (երկուսի հանրագումարում 6):

Մաթչի վերջին սեթը խաղում են առանց թայ-բրեյքի:

Այլ կանոններ

• Կորտի (խաղադաշտի) եզրագծերը համարվում են դաշտի մաս;
• եթե գնդակը կպել է ցանցին, բայց ընկել է հակառակորդի խաղադաշտ, ապա համարվում է միավոր
• մատուցման ընդունումը հնարավոր է միայն գնդակի գետնից անդրադարձից հետո, մինչ դեռ խաղի ժամանակ գնդակին կարելի է հարվածել նաև առանց անդրադարձի
• միավոր չի հաշվվում եթե գնդակը կպել է խաղացողի մարմնին, եթե խաղացողը գնդակին հարվածել է մինչև իր կիսադաշտի սահմանները հատելը, եթե խաղացողը մականով, ձեռքով կամ մարմնով կպել է ցանցին
• Մենախաղերի ժամանակ դաշտի գործող հատվածներ չեն համարվում եզրագծի 1,3մ-անոց հատվածները, գնդակը այդտեղ ընկելուց համարվում է աուտ (դաշտից դուրս), իսկ զուգախաղերի ժամանակ այդ հատվածները ևս գործարկվում են
• Աուտ է համարվում այն դեպքում երբ գնդակը հատել է հետևի գիծը կամ կողային գծերը: Գծերին դիպչելը աուտ չի համարվում: